الاثنين، أبريل 12، 2010

عودة

بالقريب دخلت لازور مدونتى بعد غياب، فقط لاتطلعها لا اكثر، فقد كنت قررت منذ قترة ان اوقف الكتابة بها حتى اعود لنفسى، وحينها لم اكن جدية فى القرار...كان ذلك مجرد اعطاء نفسى فترة لترتيب الذات حتى اعود لأكتب مرة اخرى بها.
لكن مع مضى الوقت، شعرت ان ما اكتبه لا قيمة له..لست بارعة فى الكتابة...كما اننى استطيع العيش بدونها..يكفينى ان اكتب لنفسى..كانت المدونة مجرد وسيلة من وسائل التعبير عن ذاتى، واحيانا التنفيس او ابداء الرأى ومعرفة الردود حوله.
فعدت لادراجى اكتب فى كراستى، واصبحت متابعة فقط للمدونات التى اعتدت على زيارتها، وكنت لا ادخل الا لكتابة تعليق لبعض المدونيين، ثم آثرت ذلك ايضا وصرت متفرجة بلا تعليق.
لا اعرف حقا سبب هذا الحنين الذى اخذنى بعيدا عند زيارتى للمدونة، شعرت بها كيان مهمل، اشفقت عليها بشدة، واخذت اقلب سائر المدونات التى عهدت على زيارتها، ثم داهمنى الاكتئاب....
هى حالة اشبه بمرور ذكرى سيئة على عقلك، رغم ان تجربتى القصيرة مع التدوين لم تكن سيئة..على الاقل كنت استمتع بمتابعة بعض المدونات.
لا اعلم سبب هذا الشعور، ولا اعلم ايضا لماذا اكتب بها الان، وربما ساستمر فى الكتابة.
ممممم ..قد تكون الذكرى السيئة لعلمى اننى لست مدونة جيدة ووقت انشاء المدونة تخيلت اننى سأصير كذلك...ربما السبب ان هناك مدونات لها طابع كلاسيكى حزين دائما ما تأثرت باصحابها...ربما
لكن الاحتمال القرب ان كل مدونة كانت تثير فى ذهنى تساؤل غير مجاب..سؤاء عن شخصية صاحبها او عن موضوع كتابتة، وترك التساؤل هكذا بدون جواب واضح غالبا ما كان يزعجنى.......اعلم جيدا اننى امتلك من المشاعر المتأرجحة ما يصعب التعامل معها.
لا ادرى...فقط اردت ان اعود بهذه التدوينة...خالص امتنانى لكل من بعث لى بالسؤال..وخالص اسفى لعدم تمكنى من الرد...الفترة السابقة كانت مليئة بالاحداث اللاقيمة لها..انغمار فى الدنيا...آمل ان يأتى القادم بما له قيمة...

هناك 9 تعليقات:

السيد جاد يقول...

أمد الله حياتك بما فيه قيمة . تحياتي

واحد من البلد دى يقول...

السلام عليكم

كم تسعدنا عودتك أختنا فى الله

ربما يكون التدوين متنفسا لكل منا وهذا ما يعطيه قيمته...حيث انكى تتحدثين الى اشخاص مختلفين فى المجتمع و التربية و العقل وقتما تشائين و ليس من الضرورى المواظبة على التدوين بشكل منتظم و لكن رجاء لا تنقطعى ثانية..

دمتى فى حفظ الله

ٍSOU يقول...

مش لوحدك يا سمسمة سبتى التدوين ...انا كمان مش لحاجة او احساس بالفشل بس لانى مش لاقية حاجة اكتبها و مش عارفة اكتب حاجة...حياة الامومة واخدانى فى دوامة مالهاش نهاية ..تصدقى انى كتير بحس انى ضعت منى و مش لاقيانى..الكل بيقول ان الواحدة مجرد ماتكون ام حياتها بتقف عن بداية حياة اطفالها ...نوعا ما الكلام دة صحيح ..مش كدة و بس دة كمان اسمها بيتنسى و بس الاقارب هم اللى بيكونوا ارفينوا امسها بيبقى من فلانة لأم فلانة او أم فلان :))
ومع ذلك فدايما فى حد بيعملنا فلاشر فى طريقنا عشان يفكرنا بينا زى مانتى عملتيلى كدة بالظبط...
انا لا بقيت بكتب و لا حتى بتابع ..بقيت بحس انى حتى لو تابعت مش فاهمة الكلام المكتوب ...اوقات كتير بحس انى هموت و اكتب و فتح البلوج و افضل كام يوم فاتحة الصفحة بتاعتة من غير ما تتقفل و ماكتبش جملة واحدة مفيدة...بس اتأكدى انك ليكى قيمة ..كتاباتك ليها قيمة حتى لو كنت قيمتها دى بالنسبة ليكى انتى و بس ..على الاقل فى يوم من الايام فى حاجة كتبتيها دلت روحك لطريق او ابتسامة تايهة عنك...و اكيد بردوا دلت حد تايه على الابتسامة دى ... حاولى تدورى على نفسك و تلاقيها تانى ...لازم تلاقيها...
ممكن اشوفك ع الفيس بوك؟؟
http://www.facebook.com/#!/osos.book

ٍSOU يقول...

مش لوحدك يا سمسمة فى اللى انتى فية..على الاقل انتى اكتفيتى بالمتاعبة انا لا متابعة و لا قراية و اكيد و لا تعليق..مش لاقية حاجة عشان اكتبها و لما بلاقى مش بعرف اكتب ...حاجة كدة زى شلل فى التفكير و الكتابة وصلنى انى توهت منى و مش لاقيانى بس من وقت للتانى بلاقى حد فى طريقى الضلمة بيعملى ضوء فلاش عشان يدلنى زى اللى ناتى عملتية معايا كدة :)) ...سؤالك كان هو النجمة اللى بتلمع من بعيد...
اللى انتى كاتباة فى بلوجك لية قيمة ..دة شيئ اكيد...حتى لو كانت القيمة دى ليكى لوحدك...اكيد فى مرة و يمكن مرات لما كتبتى دليتى روحك على طريق ماكنتش شايفاه و جايز دليتى حد تاية على طريقة من غير ماتقصدى...كتباتنا دايما ليها قيمة لان احنا لينا قيمة و قيمة الكتابة من قيمة صاحبها...مش كدة ؟؟
حاولى تلاقى نفسك و ترجعى تانى...لازم تحاولى و لازم تلاقيها
ممكن اشوفك ع الفيس بوك؟؟
http://www.facebook.com/#!/osos.book

مؤنس فرحان يقول...

( كانت المدونة مجرد وسيلة من وسائل التعبير عن ذاتى، واحيانا التنفيس او ابداء الرأى ومعرفة الردود حوله )

-------------------------------

( .ربما
لكن الاحتمال القرب ان كل مدونة كانت تثير فى ذهنى تساؤل غير مجاب..سؤاء عن شخصية صاحبها او عن موضوع كتابتة، وترك التساؤل هكذا بدون جواب واضح غالبا ما كان يزعجنى )

------------------------------

انتى جيبتى من الآخر يا سمر .. وطبيعى انك تاخدى فترة راحة سلبية للتأمل بس .. من غير كتابة او تعليق على كتابة حد تانى .. عشان ماتحسيش انك بتكررى .. دى بتبقى فترة شحن نفسى و فكرى للفترة الجديدة

ربنا يوفقك ويسعدك دايما ..

ٍSOU يقول...

اختفتيى تانى لية؟؟

كلام على بلاطة يقول...

تحياتى
===
كل ما انظر لحالنا الموحول اتفرس !!!!!!ولم نعد قادر لا ابالى/
فكلنا نشكو بمرارة وبكل حرارة من عيوب ظاهرة واضحة قبالى/
واحنا السبب فبه وبلا غضب فاحنا الظالمين والمظلومين بالتالى/
والمميزات ان وجدت فبالقطارة بعد ان هجرنا الحضارةوطوالى/
وعيوبنا نسخة بالكربون يتساوى فيها الفقيرمع الخولى والوالى/
ومن اصدق ما عبر عننا ابن خلدون درة تاج الخالدون الغوالى/
فمن حبنا للفخر سكبنا علينا ما ليس فينا من باب الفشخرة والتعالى/
وحولنا التقصير والاهمال الى قصور وابراج وزيناها بالامالى/
ولن ينصلح حالنا الاباعترافنا بخرابنا وخيبتنا فى كل شى ومجالى/
ثم نبد أ الاصلاح والكفاح فان انتصرنا على انفسنا انتصرنا فى ثوانى

مؤنس فرحان يقول...

انتى إختفيتي تانى

خير إن شاءالله

Rain_Drops يقول...

أنا كمان واخد فترة راحة من التدوين، وعندي نفس الإحساس والحنين! :)