الأحد، مارس 02، 2008

طاب مسائكم


الليل والقمر॥ والورقة والقلم ॥ كلها مكونات لعالمى الخاص الذى انسج فيه من وحى عقلى أفكار عد॥ةوهذه الافكار تأتى لى ॥بل تتاتى لى وانا وحدى جالسة افكر


فكما يطوى القمر العديد فى صفحات الليل ॥زيطوى قلمى العديد فى صفحات كتابى


وفكرة العالم الخاص هى فكرة اصتنعطها لنفسى فى بداية حبى للكتابة ॥او على وجه الدقة عندما اكتشفت حبى للكتابة

فبدات اصنع فى خيالى هذا العالم الخاص الذى أنسج فيه من وحى عقلى الافكار

فمترادفات مثل ॥الليل ॥الظلمة ॥القمر ...الهدوء ॥الوحدة ...كلها اشياء كنت احبها بشدة ॥ولكنى كى اصنع لنفسى عالما خاصا ॥فقمت بتجميع كل هذه المكونات ॥وهذا المزيج الرائع انتج لى العديد من الأفكار التى أعتز بها

وسبب اعتزازى بهذه الأفكار ॥ليست لانها فريدة من نوعها ॥او لأنى اول من فكر ॥ولكن سبب اعتزازى بهذه الأفكار أنها جعلتنى شخصية مختلفة ॥على الأقل بينى و بين نفسى لا ارى انى غيرتقليدية ... وان الفكر هو الذى ميزنى

فانى ارى ان الفكر هو مفتاح اللغز ॥اى لغز

॥ومهما كان

ولناتى للبداية ॥حيث بدايتى فى التفكير ... فلنذهب قبل ذلك قليلا...عندما كنت صغيرة ॥طفلة صغيرة... كان الجميع يصفونى بانى حساسة ...حساسية مفرطة ...هذا ما اتذكرة جيدا॥ولكنى اعتقد ان بدايتى الحقيقية أتت منذ بدأت التفكير ...حيث بدات فى تناول أفكار مثل ॥لماذا انا مخلوقة ... ولماذا خلقنى الله انا تحديدا ... وهل الله غنى عنا ...المهم ان هذه الأفكار ما بدأت و ان اصارح بها والدتى ...حتى هاجت و ماجت كما يقولون ...ولعل ذلك كان فيه الخير لى ...فمنذ ذلك الوقت بدات أتوصل الى الأفكار بذاتى ...والى مفاتيح اللغز

وبالطبع كانت هناك فترة انتقالية عصيبة ...وهى الفترة التى كنت أحاول ان اجد فيها مفاتيح للألغاز التى بدات الصغيرة فى أكتشافها ॥وكم تمنيت الموت كى اتخلص من ألم التفكير ومعاناته ...فعلى الرغم من كون التفكير جميلا و هاديا الى الصواب ...الا انه ايضا شاقا متعبا مجهدا

ومنذ ذلك الوقت وانا افكر ...واكتب ...واعود لافكر فى شىء اكتبه॥او اكتب شىء فكرت فيه ...وهكذا ...فانى ارى انه بالنسبه لى ...التفكير و الكتابة وجهان لعملة واحدة

هناك 14 تعليقًا:

amira mir0 يقول...

اولا اريد ان اشكرك علي الكلام الدي قراته الان فاول ما شدني هو العنوان ( الليل و القمر.. و الورقة و القلم.. و انا وحدي جالسة افكر ) حقا قمه الرومانسية .... وايضا عندما قرات باقي المقال احسست باشياء جميلة تنساب الي داخلي ... شكرا لكي علي الافكار الجميلة التي جعلتني افكر فيها.

*سمر* يقول...

اشكرك بشدة يا أميرة...لقد ادخلتى السرور الى نفسى بتعليقك هذا ..وسعدت كثيرا عندما عرفت منك ان كلامى هذا جعلكى تفكرى فى هذه الافكار ...فكم هو جميل ان يشارك الاخرين فى افكارك التى تحبيها و تؤمنين بها...شكرا لكى ..واتمنى مزيد من التواصل

lamis يقول...

و انا ايضا لقد احسست بالرومانسية فعلا عندما قرات العنوان و ايضا عندما قرات الموضوع ... قلما يستطيع الكاتب ان ينجح في توصيل ما يشعر به حقا من داخله من احساس عميق و دافء الي القاريء بل و ايضا يتفق القراء علي نفس الاحساس ... شكرا الي كاتبة المقال

مؤنس فرحان يقول...

بتعجبنى أوى المدونات اللى بتعبر عن اصحابها .. دا المفروض اللى يبقى فى كل المدونات .. لكن بعض المدونات بحس انها اصطناعية او مجرد رتوش بعيدة على شخصية صاحبها

مدونتك جميلة اوى .. كمان واضح انك رومانسية بجد .. وانا آسف على ردى هنا بس انا قرأت تنويهك فى اول المدونة وقلت ابص على كل البوستات من اولها .. لان كلامك فعلا صح .. كتير من البوستات بتتظلم بسبب انها بتكون فى مرحلة كانت المدونة لسه ماحدش عرفها فيها ولا جالها زوار

..........................

احلامنا وامانينا ومشاعرنا هى احنا .. مهم اوى نعرف نفسنا كويس ونحافظ عليها ونحبها .. عشان نقدر نعيش صح

بالتوفيق ان شاءالله

*سمر* يقول...

مؤنس
شكرا على التعليق ..والاهتمام بقراية المواضيع كلها ...بجد لك جزيل الشكر :)

Miso soup يقول...

كنت زمان بفرق بين حاجتين الرومانسية و العقلانية و احسبهم ضدان لا يلتقيان .. وجود احدهم يعني بالضرورة نفي الاخر
يمكن ده لاني كنت بافهم الرومانسية بمعناها التقليدي .. يعني شوية زهور .. قلوب حمرا .. دموع .. موسيقي و غنا عن الحبيب و الهجر الخ الخ الخ ... و شخص ابله لا يعيش الواقع و لا يعيه تقوده عواطفه
و كنت بافهم العقلانية بالشكل التقليدي .. جافة .. باردة .. من غير اي احساس
كنت منحاز لجانب العقلانية .. لدرجة اني كنت احيانا اوصف بالبرود
بعد كده اتعلمت ان الكون جميل .. ازاي لما الواحد يفكر في ظواهر الطبيعة يكتشف انها فاتنة .. رقصة الالكترون حول النواة .. تهادي الموجات ... انتظام الجزيئات علشان تكون جزيئات اكبر جميلة زي ال د ن ا و البروتينات .. العلاقات بين مكونات الطبيعة .. انبات البذور .. تفتح البراعم .. كلها كلها خلابة لو بصينا ليها بعقولنا و قلوبنا معا .. و الاجمل ازاي تعبري عن ده كله بالارقام و المعادلات .. المعادلات مش مجرد رموز بتتكتب علي الورق .. لا ده عبارة عن وصف لايقاع الكون .. تدوين لسيمفونية الوجود
السيمفونية ده هي اللي ممكن تكون تسبيح الكون لخالقه
انا سميت النوع ده من الاحساس بالطبيعة بال رومانسية الجديدة
و يمكن مش انا وحدي اللي وصلت للفكرة ده و ان كانت بمسميات تانية
بالمناسبة .. ايه هو الفرق بين تأتى و تتاتى
علي فكرة انا لا اعتقد ان التفكير يقود الي الصواب .. ببساطة لان مفيش حاجه اسمها صواب .. كل شي نسبي .. هنا صح .. هناك مش صح .. النهارده صواب .. بكره ربما غير صائب .... يمكن الصواب و غير الصواب يجتمعوا في نفس المكان و عند نفس نقطة الزمن علي حسب زاوية الرؤية .. الميزة الكبري للتفكير هو اعطائنا لذة استكشاف المجهول و نفض الغبار عن عقولنا
اسف للتطويل في التعليق و تحياتي

*سمر* يقول...

miso soup

انا معاك ان الرومانسية و العقلانية مش متضادان ..بالعكس ..زى ما انت قلت ..وجود مكونات رومانسية حولك ..وتأملك بها ..قد يؤدى الى العقلانية ..وده اللى انا حولت اوصله من التدوينة دى ...

بس الرومانسية الجديدة دى ..هى على فكرة الرومانسية القديمة ..بس احنا اسأنا فهمها لحد ما بأت بالمعنى اللى انت قلته (ورود وقلوب ...)لكن الرومانسية مفهوم شامل جامع لكل تأمل فى الجمال ..النظر الى الشىء من الجانب المشرق ..الجانب لجميل ..هى دى الرومانسية ..والحب هو احد حالات الرومانسية ..وليس الحالة الرئيسية

*سمر* يقول...

miso soup
بالنسبة ان التفكير لا يهدى الى الصواب دائما ..انا معاك لأن مش شرط ان عقل البنى أدم يوصله دليما للصح ..لأن مفهوم الصواب يختلف من شخص للتانى ..وزى ماانت قلت الصواب نسبى ...
بس نوعية التفكير اللى كنت اقصدها ..كانت بتوصلنى لصواب من منظورى اولا ..ثانيا كانت بتريحلى دماغى ..يعنى بحس انى وصلت لمفتاح اللغز زى ما قولت فى التدوينه دى ..ويمكن انا شايفاه صواب علشان ده اللى ميزنى ..انى بفكر ..مقصدش طبعا عملية التفكير البيولوجية اللى بيقوم بيها اى حد ..لء ..اقصد التفكير بغرض التفكير ..التفكير بغرض التامل ..ذلك النوع العميق من التفكير ..
والصواب اللى انا قلت عليه ..هو الصواب الناتج عن نشاط التفكير ..اى كان هذا الصواب ... يعنى النتيجة المتوصل اليها ..فاهمنى ؟؟

على فكرة ..انا معاك ان الصواب نسبى ..من منظور البنأدمين ..بس برده انا شايفة ان فى حاجات لا تحتمل النسبية ..يعنى حقائق صائبة 100 %

*سمر* يقول...

miso soup

الفرق بين تأتى وتتأتى :) ..انا مش هفتى ..انا بقراها كده ..بس اعتقد يعنى مع الاعتذار لكل اساتذة اللغة العربية ..ان تتأتى ..يعنى الأفكار بتجيلى بعد مجهود ..اعد ادور عليها لحد ما تيجى ...
تأتى ..يعنى هى بتيجى كده لوحدها ..فكرة وتطق فى دماغى زى ما بيقولوا

اكيد التفكير ممتع جدا ..بس برده متعب جدا :)

اتمنى انك تكتب عن موضوع الرومانسية و العقلانية ده فى مدونتك قريب .وباستفاضة ..لديك طرح مميز للموضوع ..واسلوبك فى الوصف هايل ..

Miso soup يقول...

متشكر كتير علي ردك
انا دايما بحب الحوار .. الاخد و العطا .. يمكن ده جزء من مفهومي للحياة بشكل عام انها مينفش تكون دايما عطاء من اخد و لا هي تنفع ان الواحد ياخد باستمرار من غير ما يدي ... الحياة بل الوجود كله لعبة اتزان بين طرفين
التفكير ممتع لكنه متعب .. طب و ايه في الدنيا مش متعب .. الالم (في حدود معينة و بصورة معينة) هو جزء من اللذة (تاني لعبة توازن)
قلتي ان فيه حاجات صح ١٠٠ في ال ١٠٠ .. ممكن تقوليلي علي مثل واحد؟!
مقدرش اوعدك اني هاكتب عن موضوع معين لكن ممكن اوعدك اني هاحاول
متشكر جدا علي ردودك فنادرا ما اجد شخص او صديق عنده القدره انه يسمع كويس و يفكر قبل ما يرد

*سمر* يقول...

miso soup
حاجات صح 100 % ...المعتقدات ..مأصدش المعتقدات الدينية ..اقصد اى معتقد انت مؤمن بيه ..والمعتقدات دى هى اللى بتشكل مبأدئك فى الحياة ..لو انت عندك اعتقاد ان الصدق صح 100 % وفى كل حال ..سواء كان السبب فى هذا الاعتقاد سبب دينى او اى سبب أخر ..لازم تؤمن بصواب الاعتقاد ده بنسبة 100 % ..لان بناءا عليه سلوكك هيتشكل ..بكلمات أخرى ..انت لو شايف ان فى احتماليه لعدم صواب الصدق كمعتقد ...يبأة انت ساعات هتكذب ..وساعات لء ..مهو مافيش بأة حاجة صح 100 % ..وبالتالى هيجى من هنا تبرير عمل اى شىء فى اى شىء ..تخيل معايا الحياه وقتها لو مفيش حاجة صح 100 % ..وطبقها على حاجات كتييير ...الدنيا هتبوظ ..اقصد من الكلام انه لازم يكون فى حاجات صح 100 % ..قوانيين يعنى علشان تحكم الحياة

دى مجرد وجهة نظرى ..قابلة للصواب و الخطأ :) :)

Miso soup يقول...

انا متفق معاكي ان لازم كل انسان يكون له مجموعة من القيم اللي بيتعامل بيها في الحياة و طبعا القيم ده لازم الانسان ده مؤمن بيها (يعتقد انها صح ١٠٠٪) علشان يطبقها (نسبية فردية) .. انسان تاني ممكن يكون بيؤمن بقيم مختلفة (برضه صح بالنسبة له) .. ده جميل جدا لو كل واحد فيهم فهم ان اللي هو بيؤمن بيه هو شى خاص بيه و طالما انه لا يؤذي حد بيه و ان اللي بينظم علاقته باللي حواليه في المجتمع هو القانون ... المشكله تيجي بقي لو ان البني ادم اعتقد ان قيمه ده صح بشكل مطلق و كل الناس التانية غلط و انه لازم الناس التانيين يبقوا زيه و لو بالقوة ... هنا يجي الصدام
كمان انا ممكن اكون مؤمن مثلا بالصدق ١٠٠٪ لكن لو واحد مجنون مسك مسدس و حطه علي دماغي و سالني انا مجنون و لا لا ساعتها سلوك الصدق (لاحظي اني بتكلم عن سلوك مش ايمان) هيكون سلوك اعتقد انه خاطى (نسبية في الزمان)
يعني اللي انا اقصده ان الايمان (باي ايديولوجيه) هو اكيد ١٠٠ صح بالنسبة لصاحبه في وقت ما هو معتقده .. لكن السلوك او التعبير عن الايمان ده ممكن يكون صح او غلط
يعني ده اللي انا اعتقده و اللي ممكن يكون كلام فارغ
صدعتك :)

*سمر* يقول...

miso soup
كلامك صح جدا..وفى منتهى العمق والتحليل ..
بالعكس ..مصدعتنيش ولا حاجة ..انا بسعد جدا بتعليقاتك ..خاصة انك مش بتعلق علشان تبأه علقت و السلام ..لء .انت بضيف حاجة ..وبتثرى المناقشة ...

شكرا جدا بجد ..واتمنى زياراتك عندى متتقطعش :)

موناليزا يقول...

لكل منا افكاره الخاصة والاجمل ان يتشاركها مع الاخرين